알타이삽사리 |
|||||||||||||||||||||||||||||||||||||||
|
|||||||||||||||||||||||||||||||||||||||
Fusco- vel griseo-brunnea, castaneo- vel nigro-castaneo variegata atque pallide-roseo signata. Antennae fuscae, capite pronotoque simul sumptis in ♀ parum breviores (in ♂-?); articulis parum deplanatis, basalibus autem non dilatatis. Caput crassiusculum, rotundato-ovale, unicolor, fusco-brunneum, vel fronte pallide-rosea, excepta costa frontis macula latiuscula fusca ad inferiorem partem (ad clypeum) ornatum atque vitta parva quoque pallide-rosea in angulo infero genarum oblique perducta atque in pronoti lateralibus percurrente signatum; vertice antrorsum descendente, vix producta, carinis lateralibus levissime arcuatis angulum distincte obtusum formantibus instructo, carinula anterius perspicua, ab oculis autem omnino obliterata; costa frontis mediocriter lata, clypeum versus paulatim dilatata, in triente inferiore evanescente vel fere evanescente, utroque in sexu as ocellum levissime tantum impressa, aspectu a latere ad verticem arcuatim tumescente atque verticali, ab insertione antennarum latissime arcuata atque in ♂ parum, in ♀ autem levissime reclinata; oculis parvis, subrotundatis; foveolis verticis nullis; ocellis lateralibus in carinis verticis et ad angulum ipsum anticum oculorum positis. Pronotum levissime constrictum, in ♀ solum retrorsum distincte dilatatum; in ♂ unicolor, nigrescenti-brunneum, in ♀ fusco-brunneum, interdum unicolor, vel autem disco pallido (imprimis carinis lateralibus), vitta carinis extus apposita nigro-castanea vittamque latiusculum ad angulum loborum inferiorem anticum emittente atque hoc modo vittam obliquam pallide-roseam saepe includente, parte infera loborum etiam pallide-roseo signatum; metazona tenuiter rugulata; lateralibus imprimis in metazona distincte rugulosis; carina mediana lineari distinctissima, aspectu a latere subrecta vel parte proximali levissime arcuata; sulcis anterioribus in disco omnino indistinctis, interdum acutem vix perspicuis; sulco postico carinam intersecante, pone medium pronoti sito; metazona prozona parum (in ♂ subsesqui) breviore; carinis lateralibus in ♂ longitudinaliter regalariter arcuato-inflexis, antice et postice subaeque distantibus, in ♀ in prozona regulariter inflexis, pone sulcum posticum divergentibus, antice sesqui brevius quam postice inter se distantibus; margine postico truncato vel (in ♀) medio leviter angulatim emarginato; lateribus trapezoideis, altitudini aequilatis vel vix (♀) altioribus, utrinque a vitta obliqua pallida, superne leviter, inferne valde impressis; angulo loborum inferiore antico late rotundato, angulo postico rectangulo apice arcuato; margine inferiore medio angulatim fracto, margine loborum postico in ♀ subrecto, in ♂ parum supra angulum subito reclinato. Elytra ♂ abbreviata, medium femorum posticorum parum superantia, irregulariter oblong-ovalia, pallide-brunnea; margine antico prope basin gibboso, deinde regulariter arcuato; apice oblique subtruncato; margine postico vix arcuato; area mediastina ad medium marginis extensa, lata, lanceolata, apice valde acuminata, opaca; vena mediastina medio inflexa; area scapulari parum dilatata, latitudine areae mediastinae aequali, ceterorum autem latiore, falciformi, subpellucente; vena radiali prima basi recta, deinde late arcuata atque parum impressa; area radiali prima dilatata, pellucente, areae scapulari latitudine subaequali; vena radiali secunda incrassata, fusca, subrecta, ad apicem marginis antici perducta; vena radiali tertia valde irregulari; venis ulnaribus omnino inter se connatis; vena anali ad angulum posticum marginis externi perducta, venae axillari parallela; campo inter venam radialem secundam et venam analem sito campo inter marginem externum et venam rad. secundam posito aequilato, sed reliqua parte elytri parum latiore. Elytra ♀ lobiformia, lateralia, segmentum primum abdominis vix superantia, latissime lanceolata vel irregulariter oviformia, scilicet margine antico basi recto, deinde valde arcuato et ad apicem subito cadente, margine inferiore autem minus atque paulatim arcuato; apice obtuse acuminato (interdum margine antico ad apicem levissime sinuato); campo marginali latissimo, dimidio latitudinis elytri subaequali, scilicet vena radiali prima (rectius-secunda) in medio elytri sita et ad apicem ipsum perducta. Pedes glabri; antici ac intermedii breviusculi (imprimis femora antica ♂), tarsis utroque in sexu aroliis mediocribus instructis. Femora postica mediocriter crassa, in ♂ unicoloria extus pallide-brunnea, intus atque inferne flava, geniculis castaneis; in ♀ saepe distincte maculis tribus fuscis oblique dispositis et in latus internum perductis signatis, margine infero pallide-flavo vel saepissime roseo, geniculis infuscatis. Tibiae posticae pallidae, sordide-rufescentes; condylo infuscato vel (♂) nigro-castaneo; ipso apice quoque infuscatae; spinis pallidioribus, apice tantum castaneis, 10-12 externis (spina apicali nulla) et 9-11 internis (spina apicali praesente excepta) armatae. Prosternum strumula pliciformi, parva instructum. Pectus pallidius, latum (imprimis in ♀), latitudini aequilongum; intervallo loborum mesosternalium in ♂ mediocriter, in ♀ valde transverso (scilicet lato); intervallo loborum metasternalium in ♀ parum transverso, praecedente sesqui breviore, in ♂ autem parvo, quadrato. Abdomen tympano subovali, subaperto instructum; segmento ultimo dorsali ♂ dimidiis suis medio vix inter se distantibus, margine postico, aspectu a dorso, toto rotundatim inflexo lobulisque sat distantibus parvis indistinctis obtusis instructo; lamina supraanali ♂ latiuscula, arcuatim trigonali, impressione ovali mediana praedita; areis ♂ parvulis, parum reflexis; lamina subgenitali ♂ non elongata, apicem versus attenuata atque acuminata, dimidio distali dimidio proximali longitudine aequali; valvulis ovipositoris ♀ breviusculis, marginibus externis sinuatis neque interruptis (sed uni- vel biincisis), acuminibus mediocriter recurvis.
Distr.
Kusnetzk: fl. Kysas (in fl. Abakan influens), 2, 6. VII. 1897; Zimovje
(ad fl. Abakan), 11. VII. 1897. -Distr. Minussinsk: fl. Karysch,
28, VII. 1897. -Distr. Bijsk: vic atque riv. Ongudaj (ad fl. Ursul,
quod in fl. Katun influit), 8. VII, 2. VIII. 1898. -Montes Altaici
rossici: fl. Kalanyngyr (in fl. Tarchatty influens, hoc autem in
fl. Tschuja influit), 24-25. VII. 1897; fl. Tschagan-burgaza (in
fl. Tschuja influens), 30. VIII. 1897; fl. Kara-su (in fl. Baschkaus
infl.), 10 VIII. 1897. (Newsky). -Montes Altaici mongolici: fl.
Olonur (initium fluminis Suok, quod in fl. Kobdo influit), 15. VII.
1897 (Newsky). |
|||||||||||||||||||||||||||||||||||||||
|
|||||||||||||||||||||||||||||||||||||||
<참고문헌> |